SAN CARLOS CITY, Pangasinan — Pinagpiyestahan ng mga daga ang isang sanggol na itinapon sa malalim na kanal ng walang kaluluwang ina sa bahagi ng Rizal Avenue, San Carlos City, Pangasinan may ilang araw na ang nakalipas.
Sa ulat na pulisya, natagpuan ng isang kaminero ang sanggol na may walong buwang gulang na pinagkakaguluhan ng mga malalaking daga sa isang kanal.
Napag-alamang naantala ang daloy ng tubig sa nasabing kanal kaya sinikap ng kaminero na alisin ang nakabarang bagay na pinagpipiyestahan ng mga daga sa butas.
Nang usisain ng kaminero ang pinag-aagawan ng mga daga ay bumulaga sa kanya ang isang sanggol na malapit nang maagnas, base sa salaysay kay SPO4 Jose Resultan.
May teorya ang pu lisya na inabandona ng ina ang sanggol upang ’di sumingaw ang mapait na karanasan nito. (Myds Supnad)