BF Homes residents seek pipeline repair

Isang Malaysian na­tional  na nagpapanggap na isang doctor ng United States at nambibiktima ng mga Pilipina ang nadakip ng mga tauhan ng National Bureau of Inves­tigation  sa isang entrapment operation  sa isang   beach re­sort sa Davao City.

Iniharap ni NBI Director Nestor Mantaring sa mga mamamahayag ang sus­pek na si Thavarajah San­drase­garam, alyas Shan at Doc, 55 at residente ng no. 13 Jin Ke­muja, Kuala Lum­pur, Malaysia na nagpapa­kilalang isang US doctor at investor  sa medical re­search business.

Ipinaliwanag ni NBI-NCR Regional Director Ruel Lasala na modus ope­randi ng sus­pect na maki­pag-“chat”  sa mga bibikti­mahin nitong Pili­pina na nagnanais na mamu­hunan  sa medical research sa pa­mamagitan ng pag-“chat” sa internet.

Ipinapakilala ng suspek ang kanyang sarili na may Master’s Degree mula sa  Royal Col­leges of Sur­geons sa Ireland at Univ­ersiti Malay­sia kung saan nagsa­ sagawa siya ng re­search para sa mga gamot sa sakit sa kidney at  sikmura.

Ayon kay Lasala, ang pag­ka­kadakip  sa suspect ay bun­sod ng reklamo ng isang  nag­ngangalang Su­san matapos siyang ma­kuhanan ng  P1.6 milyon. Na­kilala niya si Sandra­se­garam noong Peb­rero 2007 kung saan nagka­sundo sila na mag-invest ng P2 milyon sa medical re­search. Sinabi ni Sandrase­garam  na konektado siya sa Seatlle Baptist  Medical Center sa Washington.

Sa pag-aakalang ma­gan­­dang investment, nag­bigay ang biktima ng P1 milyon noong Marso 11, 2007. Su­balit matapos ang dalawang linggo ay muling humingi ng P600,000 ang suspek kung saan ibinigay naman  ni Susan. Subalit  nan­lumo si Susan nang makumpirma niya na  hindi konektado si Sandrase­garam sa naturang ospital. (Doris Franche)