2 wanted nasakote

CAMARINES NORTE – Dalawang kalalakihan na pinaniniwalaang nasa talaan ng pulisya na most wanted ang nasakote ng pulisya sa magkahiwalay na lugar kamakalawa. Ayon kay P/Senior Supt. Henry Rañola Jr., police provincial director, si July Naval, 33, ng bayan ng Jose Panganiban, Camarines Norte na may kasong rape ay nasakote sa Barangay Nagsaulay, San Juan, Batangas. Samantalang si Rodolfo Defeo III na may kasong murder ay nadakma sa bahagi ng Gagalangin, Tondo, Maynila.

Napag-alamang si Defeo ay nagtago ng 11-taong at may patong na P.140 milyong pabuya. Ang dalawa ay dinakip sa bisa ng warrant of arrest na inisyu nina Judge Rolando Panganiban Daet Regional Trial Court Branch 40 at Judge Sancho Dames II ng Daet Regional Trial Court Branch 38. (Francis Elevado)