Dispatcher inutas

CAVITE – Patay ang isang dispatcher ng jeep matapos na tarakan ng patalim sa dibdib habang ito ay nakatayo sa terminal kahapon ng madaling-araw sa Brgy. Silangan, Rosario.

Ang biktima ay si Henry Jimenez, 30, binata, ng Brgy. Silangan. Hindi naman nakilala ang suspek na mabilis na tumakas tangay ang ginamit na patalim. Sa ulat, dakong alas-2:15 ng madaling-araw habang nakatayo ang biktima sa terminal ng bigla na lamang itong lapitan ng suspek bago walang sabi sabing tinarakan nito ng dalang patalim sa dibdib ang biktima. Duguang bumulagta ang biktima bago mabilis na tumakas ang nasabing suspek.

Sa kasalukuyan ay wala pa ring makitang malinaw na motibo ang pulisya, inaalam pa kung may kinalaman ito sa trabaho ng biktima. (Cristina Timbang)