Student tiklo sa buy-bust

CAMP CRAME – Kalaboso ang binagsakan ng isang 20-anyos na estudyante mula sa Cagayan College makaraang masakote ng pulisya habang nagbebenta ng pinatuyong dahon ng marijuana sa Barangay 12, Tuguegarao City Cagayan Valley, kamakalawa. Ang suspek na inaresto sa isinagawang buy-bust operation ay nakilalang si William Maganon na nakumpiskahan ng 700 gramo ng marijuana na iniabot sa isang operatiba ng pulisya na nagsilbing poseur buyer. Pormal na sinampahan ng kaukulang kaso ang suspek habang nakapiit sa himpilan ng pulisya ng nabanggit na lungsod. (Joy Cantos)