Kinilala ni PO1 Joseph Miranda ang biktima na si Violeta Sacay y Gatuz ng nabanggit na barangay, nakapiit naman sa himpilan ng pulisya ang suspek na itinago sa pangalan Alan, grade six student sa San Miguel Central School.
Ayon kay P/Chief Inspector Ernesto Basa, hepe ng pulisya sa bayang nabanggit, pauwi na ang suspek mula sa pakikipanood ng telebisyon sa kapitbahay ng tawagin ng kanyang tiyahin.
Pumasok sa bahay ng biktima ang batang suspek, subalit agad siyang tinutukan ng kutsilyo sabay saksak sa kaliwang braso.
Napag-alamang nakipag-agawan ng kutsilyo ang suspek hanggang sa maagaw nito ang patalim sa kanyang tiyahin at sinaksak ng tatlong ulit ang biktima hanggang sa duguang bumulagta.
Ayon sa pulisya, matandang alitan ang isa sa dahilan ng insidente. Sa pakikipanayam kay Miranda sa telepono, sinabi niya na ang ama ng supek na nakilalang Sonny Sarmiento ay kapatid ng asawa ng biktima.
Ang suspek ay kasalukuyang nakapiit sa pambayang bilangguan ng San Miguel, habang ang labi ng biktima ay nakaburol sa Barangay San Vicente, Bulacan. (Dino Balabo)