‘Sintu-sinto’ hinalay ng pedicab drayber

BULACAN — Dinakip ng mga tauhan ng pulisya ang isang 14-anyos na pedicab drayber makaraang ireklamo ng kasong rape ng isang sintu-sintong babae sa Barangay Panginay Sulok sa bayan ng Balagtas, Bulacan, kamakalawa ng gabi Sa ulat ng Balagtas PNP, itinago sa pangalang Ben ang suspek dahil sa pagiging menor-de-edad, samantalang ang biktimang sinamahan ng sariling ina sa himpilan ng pulisya ay itinago naman sa pangalang Jennylyn, 19, kapwa residente ng nabanggit na bayan.

Lumitaw sa pagsisiyasat ng pulisya na naitala ang krimen ganap na alas-7 ng gabi matapos na maisakay sa pedicab ang biktima at dalhin sa liblib na bahagi ng nasabing lugar. Posibleng ibigay ng pulisya sa lokal na Department of Social Welfare and Development (DSWD) ang suspek dahil sa menor-de-edad. (Efren Alcantara)