Mangingisda sinalvage, tinapon sa dagat

CAVITE – Isang mangingisda ang nakitang lumulutang na lamang sa dagat at tadtad ng bala ng baril sa ulo at leeg, kamakalawa ng hapon sa Bacoor Bay, Longos Barangay Zapote 5, Bacoor.

Kinilala ni Chief Insp. Rommel Marbil hepe rito ang biktima na si Dionisio De Los Reyes, 46, may-asawa at residente ng Brgy. Wawa, Longos ng nasabing lugar.

Batay sa imbestigasyon ni PO2 Dominador Logon dakong alas-3 ng hapon habang naghihintay ang asawa ng biktima sa tabing dagat ay nakita nitong may lumulutang na bangkay kaya’t agad niya itong inereport kay Barangay Captain Oscar Francisco at dito lamang nito nakilalang ito ang kanyang hinihintay na asawa.

Masusing imbestigasyon naman ang isinasagawa ng mga awtoridad sa krimen na hinihinalang posibleng napagkamalang magnanakaw ng tahong ang biktima kaya’t pinagbabaril ito. (Cristina G. Timbang)