16 mangingisda dinakma

OCCIDENTAL MINDORO — Labing-anim na mangingisda ang dinakip ng mga tauhan ng Philippine Coast Guard makaraang maaktuhang ilegal na nangingisda sa karagatang sakop ng Brgy. Alibog sa bayan ng Magsaysay, Occidental Mindoro kamakailan. Base sa ulat ni Rufino Velasco, kumander ng PCG, ang mga mangingisda na sakay ng bangkang-de-motor na pag-aari ni Vicente Lacanto ng Brgy. Banica, Roxas City ay walang kaukulang permiso mula sa kinauukulan. Nasamsam sa mga suspek ang 900 kilong isda at ilang kagamitan sa pangingisda na ngayon ay nasa custody ng provincial fishery office sa nabanggit na lalawigan. (Jaime dela Cruz)