Sa kanyang liham kay Gonzalez noong Disyembre 21, 2005, sinabi ni Wesy B. Quisumbing na ang hangarin niyang mailipat ang preliminary investigation sa DoJ ay para maiwasan ang magiging desisyon sa kaso dahil lubhang maimpluwensiya ang kanyang mga magulang na sina Norberto at Britta Quisumbing sa Cebu.
Napag-alamang sina Norberto at Britta, ang may-ari ng mga kompanya sa Cebu na nasa ilalim ng Norkis at Summa Group of Companies.
Kasama sa kinasuhan si Atty. Iris Bonifacio at sister-in-law niyang si Elizabeth Quisumbing sa magkahiwalay na criminal cases na estafa and other deceits noong Dec. 3, sa Cebu City.
"Being a very able and effective secretary, I beg of you to address my concerns as I don’t want that my cases would just go to the gutter not because of they are not meritorious but because of the undue influence and power which the respondents are exerting upon the Cebuanos," pakiusap ni Quisumbing sa kanyang liham kay Gonzalez.
Ang liham ni Quisumbing ay inayundahan ng isa pang letter of request ng kanyang abogadong si Paris G. Real na ipinadala kay Gonzalez noong Biyernes, Disyembre 23. (Doris Franche)