Nakilala ang biktima na si Randy Bulawit, 27, ng Brgy. Roxas, Solano, Nueva Ecija.
Kusa namang sumuko sa Villaverde Police Station ang suspek na si Brgy. Captain Gilbert Maluping ng Brgy. Bintuan Norte ng nasabing lugar.
Base sa ulat, bandang alas-9:30 ng gabi nang maganap ang insidente sa Brgy. Bintuan Sur.
Nabatid na bago ang pamamaril, nag-inuman pa umano ang biktima at suspek sa bahay ng kaibigang si Erlinda Ambot.
Inihatid pa umano ni Bulawit ang kasintahan at habang naglalakad pauwi at bigla na lamang itong sinalubong ng lasing na kapitan at walang sabi-sabing binaril sa katawan.
Inaalam na ng awtoridad ang motibo sa pamamaslang sa biktima. (Angie dela Cruz)