Dahil dito, ipinag-utos na ni Office of Civil Defense (OCD)Deputy Administrator Dr. Anthony Golez, na ipagpatuloy ang paghuhukay sa limang nawawala na natabunan ng lupa na inaalam pa ang mga pagkakakilanlan.
Base sa nakalap na report ng OCD mula sa lokal na Provincial Disaster Coordinating Council (PDCC), kabilang ang limang katao na sinasabing nawawala sa may 650 residente na naapektuhan ng pagbaha at pagguho ng lupa sa mga bayan ng General Nakar at Infanta.
Ayon kay Golez nakikipag-ugnayan na ang tanggapan ng OCD sa mga lokal na opisyal hinggil sa mga inulat na nawawala bunsod ng mga nagdaang pag-ulan sa nasabing lalawigan.
Nabatid kay Golez na pansamantalang inilikas ang mga apektadong residente sa mga itinayong evacuation centers habang patuloy ang sinasagawang search and rescue operations.
Kaugnay ng mga pag-ulan, sampung mga barangay sa mga bayan ng Sampaloc at Mauban sa lalawigang ito ang lumubog sa landslide at flashflood matapos na umapaw ang Maapon River.
Kabilang sa mga apektadong lugar ay ang mga Brgys. Ilaya, Ibaba Uwain Bataan, Taquico, Alupay, Banot at Biluan sa Sampaloc habang ang iba pa ay mula naman sa bayan ng Mauban. (Joy Cantos at Tony Sandoval)