Kelot lumaklak ng pesticide, tigok

CAMP CRAME – Dahil sa matinding problema sa buhay, isang 23-anyos na lalaki ang uminom ng pesticide sanhi ng kanyang kamatayan kamakalawa, sa Talisay City, Cebu.

Ang biktima na si Freddieson Javier, tubong Valencia, Bukidnon ay natagpuang bumubula ang kanyang bibig at wala nang buhay bandang alas-3 ng madaling-araw sa loob ng kanyang kuwarto sa Brgy. Bulacao, ng naturang lugar.

Ayon sa nakababatang kapatid ng biktima na si Dexter, nakarinig umano siya ng ingay sa kuwaro ng kapatid at agad niyang tinungo ito hanggang sa tumambad ang nakahandusay na biktima.

Agad na dinala ang biktima sa Ching Hua Hospital subalit makalipas ang isang oras ay idineklang patay ito.

Isang suicide note ang nakita sa tabi ng biktima na nagsasaad ng kanyang matinding hinaing hinggil sa hirap ng buhay. (Angie dela Cruz)