Sanggol itinapon sa ilog

LUCENA CITY – Patuloy na nagsasagawa ngayon ng imbestigasyon at inaalam ng mga awtoridad ang pagkakakilanlan sa ina ng isang limang buwang sanggol na iniwang walang buhay sa tabi ng Dumacan river na sakop ng Barangay 4 sa lungsod na ito kahapon ng umaga. Ang patay na sanggol na babae ay natagpuan ng mga residente dakong alas-7 ng umaga sa loob ng plastic na nakalagay sa isang basurahan at nakakabit pa ang pusod nito.

Ayon kay barangay captain William Noche, may posibilidad na ipinalaglag ang sanggol upang takasan ng hindi nakikilalang ina nito ang responsibilidad o kahihiyan. Kasalukuyang nakalagak sa Funeraria Pagbilao ang mga labi ng sanggol, habang inihahanda na ang kasong infanticide laban sa ina nitong patuloy pang inaalam ng pulisya. (Ulat ni Tony Sandoval)