Sa ulat, bandang alas-6:20 ng gabi nang lusubin ng mga rebelde ang cell site ng Globe sa Barangay Marinas ng nasabing lungsod.
Sa inisyal na imbestigasyon, kasalukuyang nagpapatrulya sa bisinidad ng nasabing cell site ang nag-iisang guwardiya kasama ang ilang mga tauhan ng Army’s 9th Infantry Division (ID) nang bigla na lamang sumalakay ang mga armadong rebelde.
Makalipas ang ilang minutong pag-atake ay napilitang magsiatras ang mga rebelde matapos na makita ang presensiya ng mga sundalo at nang paparating na ang reinforcement teams ng mga awtoridad sa lugar.
Magugunita na sunud-sunod ang ginawang pag-atake ng mga rebeldeng NPA sa Globe cell site dahilan sa pagtanggi ng may-ari na magbigay ng revolutionary tax sa komunistang grupo. (Ulat ni Joy Cantos)