Shootout: 2- katao natodas

LEGAZPI CITY — Dalawa katao kabilang na ang isang tauhan ng pulisya ang iniulat na nasawi sa naganap na karahasan sa Barangay Nursery sa Masbate City, kamakalawa. Si PO3 Norberto Alcomendas ng 506th PNP Provincial Mobile Group ay pinagbabaril hanggang sa mapatay ni Bembem Sioco na nanggugulo sa nabanggit na barangay. Kahit may tama na ng bala sa katawan si PO3 Alcomendas ay nagawa nitong paputukan si Sioco at bumulagtang patay. Sa ulat, dakong alas-otso ng gabi kamakalawa nang makatanggap ng tawag na telepono ang pulisya na nagwawala si Sioco kaya rumesponde si PO3 Alcomendas, subalit hindi nito inakala na may hawak na baril ang lalaki kaya naganap ang insidente. (Ed Casulla)