Kinilala ni P/Senior Supt. Isagani Nerez, city director ng Baguio City Police Office (BCPO), ang suspek na si Florence Bulagan Babag ng Barangay Buscalan, Tinglayan, Kalinga.
Sa ulat, ang suspek ay pababa na sana ng Rising Sun Bus (AYC-383) mula sa bayan ng Bontoc, Mt. Province nang sitahin ng konductor dahil sa hindi nagbayad ng pasahe.
Agad na tinawag ni Gansiano Bangsad si SPO4 Rendered Kiblasan upang sitahin ang suspek at nang kausapin ay nanginginig ito at hawak-hawak ang isang bag at karton.
Naamoy ni SPO4 Kiblasan ang bitbit na epektos ng suspek, kaya’t pinagsabihan nitong buksan ang karton at dito ay nakita ang mga marijuana bricks.
Ikinatwiran ng suspek na wala siyang alam na may marijuana ang bitbit na bag at dadalhin lamang niya sa katagpo dalawang babae na hindi binanggit ang pangalan sa may harapan ng Maharlika Livelihood Center.
Napag-alamang pangalawang beses na nagtungo ng Baguio ang suspek na pinaniniwalaang nagbibitbit din ng kilu-kilong pinatuyong dahon ng marijuana. (Ulat ni Artemio Dumlao)