Konsehal kinatay ng CAFGU

CAMARINES NORTE – Isang municipal councilor na pinaniniwalaang may nasagasaan bilang lingkod ng bayan ang iniulat na pinatay sa saksak ng tatlong miyembro ng Civilian Armed Forces Geographical Unit (Cafgu) habang ang biktima ay naglalakad mag-isa sa madilim na bahagi ng Barangay Kulakning sa bayan ng Lupi, Camarines Sur kamakalawa.

Binawian ng buhay sa Ragay District Hospital habang ginagamot dahil sa labing-anim na saksak ang biktimang si Councilor Bong Sevilla, samantala, nakilala ng ilang nakasaksi sa krimen kaya nadakip ng pulisya ang isa sa tatlong suspek na si Raymund Malinao, habang tinutugis pa ang dalawa na pansamantalang hindi ibinunyag ang pangalan. Aabot sa labing-anim na saksak ng patalim ang tumama sa katawan ng biktima matapos na pagtulungan ng mga suspek na tumakas sakay ng motorsiklo.

Kasalukuyan pang inaalam ng mga imbestigador ng pulisya ang tunay na motibo ng krimen. (Ulat ni Francis Elevado)