Pulis-Crame nilikida

CAVITE – Binaril ng dalawang ulit at napatay ang isang tauhan ng pulisya na nakatalaga sa Camp Crame sa Quezon City ng hindi kilalang lalaki habang ang biktima ay naglalakad sa bahagi ng Barangay Salitran 1 sa bayan ng Dasmariñas, Cavite kamakalawa ng gabi. Ang biktimang naka-assign sa custodial center ay nakilalang si PO1 Ruskin P. Barimbao, 29, ng Block 12 Lot 5, Saint Anthony Village sa Barangay Salitran 3 ng bayang nabanggit.

Sa pahayag nina P03 Valero Bueno at SPO3 Carlito Gener, walang malinaw na motibo sa pagkakapaslang kay Barimbao ang nasisilip sa kasalukuyan. (Ulat ni Cristina Timbang)