PAF major kinidnap ng NPA

CAMP OLIVAS, Pampanga – Kinidnap ng mga rebeldeng New People’s Army (NPA) ang isang opisyal ng Philippine Air Force na nakatalaga sa 355th Engineering Wing ng Basa Air Base habang ang biktima ay nagpapahinga sa kanyang bahay sa Sitio Uno Malinta, Barangay Mawakan sa bayan ng Floridablanca, Pampanga noong Sabado.

Hindi naman matukoy ng mga awtoridad kung saan dinala ang biktimang si Major Neptune Aliquin matapos na dukutin ng mga rebeldeng kasapi ng grupong Ka Turi Larry Lozano ng Lino Lost Command ng CPP/NPA at Ka Edu ng Paterno Ortanez Command. (Ulat nina Ric Sapnu at Joy Cantos)