2 kabataan initak, binoga

CAMP SIMEON OLA, Legazpi City — Dalawang kabataang lalaki ang kumpirmadong pinatay sa naganap na karahasan sa magkahiwalay na bahagi ng Camarines Sur at Sorsogon kamakalawa. Ayon sa ulat ng pulisya, si Sammy Pesimo na 22-anyos ay pinagtataga ng hindi kilalang kalaban sa Barangay Tinawagan sa bayan ng Tigaon, Camarines Sur.

Samantala, si John Vianne Enciso, 17-anyos na estudyante ay binaril ng senglot na suspek na si Antonio Godoyo sa Sitio Binalyuhan, Barangay Kaditaan sa bayan ng Magallanes, Sorsogon. Walang pang malinaw na motibo sa naganap na krimen habang tinutugis ang dalawang suspek. (Ed Casulla)