Cafgu tinodas ng pulis

CAMP AGUINALDO – Pinagbabaril hanggang sa napatay ang isang miyembro ng Cafgu Active Auxilliary (CAA) ng sariling pinsang pulis makaraang magsalubong ang dalawa sa lansangang sakop ng bayan ng Barira, Maguindanao, ayon sa ulat kahapon. Napuruhan sa katawan ang biktimang si Hadji Sirad, alyas Pablo, samantalang sumuko naman ang suspek na si PO1 Yusop Dagalugit ng 15 Regional Mobile Group ng Autonomous Region for Muslim Mindanao (ARMM). May teorya ang mga imbestigador ng pulisya na may matinding hidwaan ang namagitan sa magpinsan kaya naganap ang insidente bandang alas-2:30 ng hapon. (Ulat ni Joy Cantos)