Magpipinsan dedo sa granada

COTABATO CITY — Tatlong kabataan ang kumpirmadong nasawi habang sugatan naman ang isang 8-anyos na lalaki makaraang sumabog ang napulot na M-79 grenade na pinaglaruan ng mga biktima sa bahagi ng Datu Unsay, Maguindanao kamakalawa.

Kabilang sa namatay ay nakilalang sina Norodin; Beru at Lala na pawang may apelyidong Saidona, samantalang ginagamot sa Cotabato Regional Medical Center ang sugatang si Sainudin Saidona. Ayon kay Lt. Col. Franklin Del Prado, tagapagsalita ng Army’s 6th Infantry Division, posibleng tumama sa bato ang granada kaya sumabog matapos na mapulot sa plantasyon ng mais. (Ulat ni John Unson)