Pulis tinodas ng maninikwat

DAGUPAN CITY – Binaril at napatay ang isang 49-anyos na pulis ng isa sa tatlong maninikwat habang ang biktima ay patungo sa nakaparadang patrol car may ilang oras matapos na marekober ang ninakaw na ilang kahon ng brandy mula sa grocery sa bahagi ng Sitio Aliguas, kamakalawa ng gabi. Binawian ng buhay sa Region 1 Medical Center si SPO2 Danilo Frias na dating nagsilbing security escort nina Vice Mayor Alvin Fernandez at ex-Mayor Alipio Fernandez Jr. na ngayon ay Immigration Commissioner. Sa ulat, ang biktimang kasama si SPO4 Alex Corpuz ay rumesponde sa naganap na nakawan sa isang grocery at sa hindi inaasahang pagkakataon ay biglang bumulaga ang kamatayan. (Ulat ni Eva Visperas)