P10-M marijuana nasamsam

CAMP CRAME — Aabot sa P10-milyong marijuana ang nasabat ng mga tauhan ng pulisya sa isinagawang raid sa malawak na plantasyon sa Sitio Baukok, Barangay Badeo sa bayan ng Kubungan, Benguet, ayon sa ulat kahapon. Wala naman nadakmang suspek maliban sa nakumpiskang 16,000 puno at 300 kilong pinatuyong dahon ng marijuana at 500 binhi na pinaniniwalaang nasa P10 milyon.

Ang pagkakadiskubre ng plantasyon ng marijuana ay bunsod ng impormasyon nakalap ng mga awtoridad. (Ulat ni Joy Cantos)