Ito ang ipinahayag ni Neal Perez, operations manager ng Subic Bay Motors Corporation (SBMC) sa pakikipagpulong kay Subic Bay Metropolitan Authority (SBMA) administrator Alfredo C. Antonio sa planong pagtatayo ng export remanufacturing plant sa freeport.
Ang naturang expansion program ay iprinisinta ng iba pang opisyales ng SBMC kay Antonio, kasama ang kanilang business partners na sina Komei Toya ng Azumatya Tohin Siesakusho, Ltd. at Yoshinobu Kubo ng Apple International Co. Ltd.
Ayon kay Perez, ang mga negosyanteng Hapones ay napiling maglagak ng pamumuhunan sa Subic Bay Freeport dahil sa kalidad ng produktong Pinoy at ang strategic location na naging international transhipment hub sa Asya.
Kasama sa proyekto ay ang strict monitoring system para maiwasan ang pag-pupuslit ng mga sasakyan at hindi mailabas sa local market.
Ang mga skilled workers na tulad ng auto-mechanic, pintor, latero, aircon technician at iba pa ay napipintong mawalan ng hanapbuhay bunsod sa paghihigpit ng gobyerno upang ipatigil ang pagbebenta ng used motor vehicle sa bansa. "Kung tuluyang ipapatigil ang industriya ng second-hand vehicle sa bansa, ang alternatibong paraan ay ang export business upang maisalba na mawalan ng pagkakakitaan ang mga trabahador," ani Perez. (Ulat ni Jeff Tombado)