Amok: Pulis na rumesponde dedo

SAN JUAN, Batangas – Binaril at napatay ang isang 46-anyos na kagawad ng pulisya ng isang nag-amok na lalaki kahapon ng tanghali sa Barangay Talahiban sa bayan ng San Juan, Batangas. Napuruhan sa dibdib ang napatay na bikitmang si PO2 Juancho Fajardo ng San Juan PNP, samantalang nadakma naman ang suspek na si Ronald Macalalad na may hawak pa ng kalibre 45 baril.

Sa ulat ni P/Chief Insp. Gerardo Umayao, police chief, rumesponde ang biktima sa naturang lugar upang payapain ang nag-amok na suspek, subalit sinawing-palad na mabaril. (Ulat ni Arnell Ozaeta)