Magsasaka na dinukot pinatay

MALINAO, Albay – Nadiskubre ang kalansay ng isang magsasaka na dinukot ng mga rebeldeng New People’s Army (NPA) noong Nobyembre 2002 makaraang hukayin ng tropa ng 901st Infantry Battalion ang pinaglibingan ng biktima sa Barangay Bagatanki sa bayang ito kamakalawa ng hapon.

Kinilala ang biktimang si Ramon Madrideo ng Barangay Basud, Polangui, Albay. Ayon sa ulat, nakilala naman ang biktima sa pamamagitan ng suot na t-shirt. Ayon pa sa ulat, Masaya naman ang pamilya ni Madrideo dahil mabibigyan na ng pormal na libing sa sementeryo ang una. Naniniwala naman ang mga awtoridad na ginawang mass grave ng NPA ang nasabing lugar. (Ulat ni Ed Casulla)