Postal drayber dedo sa sakuna

CABANATUAN CITY – Isang 42-anyos na drayber ng Philippine Postal Services ang iniulat na nasawi makaraang sumalpok sa puno ng acacia ang minamanehong service van ng biktima sa kahabaan ng Maharlika Highway na sakop ng Barangay Sumacab Este ng nasabing lungsod kamakalawa. Binawian ng buhay sa Nueva Ecija Doctors Hospital ang biktimang si Rey Gutgutaw, may asawa at residente ng Sta. Barbara, Pangasinan. Sa ulat, iniwasan ng service van (CTM-651) ng biktima ang sumalubong na pampasaherong bus na umoberteyk sa isa pang sasakyan kaya sumalpok sa puno ng acacia. (Ulat ni Christian Ryan Sta. Ana)