Barangay chairman itinumba

CAVITE — Pinagbabaril hanggang sa mapatay ang isang 52-anyos na barangay chairman ng naka-biruang kapitbahay makaraang mapikon sa masamang biro ang huli sa Barangay Molino 1, Bacoor, Cavite kamakalawa ng gabi.

Apat na bala ng baril ang tumapos sa buhay ni Randy Inocentes matapos na upakan ng suspek na si Francisco Catapia na ngayon ay tinutugis ng pulisya.

Sa imbestigasyon ng pulisya, dakong alas-11:40 ng gabi nang makasalubong ng biktima ang suspek.

Biniro ng biktima ang naglalakad na kapitbahay, subalit minasama nito.

Matapos na magkasalubong ng dalawa ay agad na bumunot ng baril ang suspek at kasabay nito ay sunud-sunod na putok ang umalingawngaw hanggang sa duguang bumulagta ang biktima. (Ulat ni Cristina G. Timbang)