3 pugante nasakote

CAMP VICENTE LIM – Tatlong pugante na pinaniniwalaang responsable sa pagkamatay ng tatlong kagawad ng pulisya ang nalambat ng mga awtoridad sa magkakahiwalay na bayan ng Occidental Mindoro at Batangas, ayon sa ulat kahapon.Kabilang sa nadakip na pugante ay sina: Remy Belarmino, 28, ng Barangay Red Hills, Calixto Guilas, at Saturnino Balhag, 52, ng Barangay Banaba, Padre Garcia, Batangas City. Base sa imbestigasyon, si Belarmino na may patong sa ulo na P75,000 at ika-3 most wanted sa Palawan ay inaresto sa Calintaan, Occidental Mindoro. Si Guilas na responsable sa pagpatay kina: SPO3 Arurado Viana at SPO3 Efren Villarta ay dinakip sa bahagi ng MIMAROPA region habang si Saturnino naman na pumatay kay SPO2 Ariston Bautista ay naaresto sa Padre Garcia, Batangas City. (Ulat ni Ed Amoroso)