7 GROs timbog sa sex den
OLONGAPO CITY – Pitong kababaihan na pinaniniwalaang nagbebenta ng panandaliang-aliw ang dinakip ng mga tauhan ng 301st Criminal Investigation and Detection Group (CIDG) makaraang salakayin ang isang night club sa Barangay Calapandayan, Subic, Zambales kamakalawa ng gabi. Ang mga suspek na posibleng walang kaukulang papeles ay nakilalang sina: Abegail Rivera, Leslie Castillo, Akira Lenon, Joanne Rafanan, Dianne Razon, Michelle Sumpang, Ledesma Sabucido. Ang pagsalakay sa "Esa Pa Nga" night club ay isinagawa ng mga tauhan ni P/Chief Insp. Eliseo Saquilayan matapos na makatanggap ng impormasyon na ginagawang prostitution den ang naturang lugar. Sa ulat, naaktuhan ang isa sa mga GRO na nakikipagtalik sa loob ng cubicle. (Ulat ni Jeff Tombado)