5 duwende nagpakita sa mag-aaral

CAMARINES NORTE – Limang duwende umano ang iniulat na nagpakita sa mga mag-aaral ng F. Baldovino Elementary School sa Barangay Camambugan, Daet, Camarines Norte kamakalawa ng hapon. Bandang ala-una ng hapon nang magpakita ang limang duwende na naglalaro sa puno ng narra sa katabing bakod ng nasabing eskuwelahan. Ayon sa ulat, matapos na magpakita ang mga duwende ay namataan naman ito ng mag-inang Gigi ng Purok 2, Brgy. Camambugan, subalit kinagabihan ay nilagnat ang dalawa. Nagsimulang magpakita ang limang duwende sa mga estudyante matapos na putulin ng mga residente ang matataas na punong kawayan sa tabi ng nasabing eskuwelahan. (Ulat ni Francis Elevado)