Kinilala ng pulisya ang biktima na si Badiriya Ding Aman, katatapos pa lamang ng ikatlong termino bilang konsehal ng Lamitan.
Base sa pagsisiyasat ng pulisya, ang biktima ay bumisita sa kanyang bukirin sa nabanggit na barangay noong Huwebes ng hapon.
Palabas pa lamang sa binisitang bukirin at papauwi na ay biglang umalingawngaw ang sunud-sunod na putok ng baril at duguang bumulagta na ang biktima.
Nakuha pang isugod sa pinakamalapit na ospital ang biktima, subalit hindi na umabot pa ng buhay.
May teorya naman ang pulisya sa bayan ng Lamitan na ang pamamaslang ay may kaugnayan sa pinag-aawayang lupain, subalit hindi isinasaisantabi ang iba pang anggulo. (Ulat ni RDP)