5 maninikwat ng kargamento tiklo

CAMP ALEJO SANTOS, Bulacan – Limang maninikwat ng kargamento ang iniulat na dinakip ng mga kagawad ng pulisya sa kahabaan ng Pulilan-Calumpit Road na sakop ng Barangay Tibag, Pulilan, Bulacan kamakalawa ng madaling-araw. Kabilang sa nasakote ay sina: Enrico Hermosa, Ricky Mendoza, Rodel Madera, Abel Ribuyo at Albert Redito na pawang residente ng bayan ng Cabuyao at Sta. Cruz, Laguna. Bandang alas-4 ng madaling-araw nang masabat ang mga suspek lulan ng trak na naglalaman ng P.7-milyong kargamento na kanilang hinaydyak sa Barangay Real, Calamba, Laguna. Hindi naman iniulat kung ang trak na narekober mula sa mga suspek ay naglalaman pa ng kargamento. (Ulat ni Efren Alcantara)