7 grabe sa road mishap
CAVITE – Pitong sibilyan ang iniulat na malubhang nasugatan makaraang magsalpukan ang dalawang sasakyan sa kahabaan ng Aguinaldo Highway na sakop ng Barangay Luksuhin Ilaya, Alfonso, Cavite kahapon. Kabilang sa mga biktimang ginagamot sa DLSU Hospital ay nakilalang sina: Jonathan Dominguez, Jomar Dominguez, Josefina Valderama, Geneva Dominguez, Armando Nejar, Jhun Arginel Nejar at Ricardo Juego. Sa pagsisiyasat ni PO3 Patricio Lopez, nawalan ng kontrol ang minamanehong sasakyan ni Jonathan kaya nagtuloy sa kabilang linya ng kalsada kaya sumalpok sa paparating na Mitsubishi Canter van na minamaneho naman ni Armando Nejar. (Ulat ni Cristina G. Timbang)