2 supporters ng kandidato dinedo

CAMP GUINALDO – Dalawang supporter ni congresswoman at gobernatorial bet na si Josephine Ramirez-Sato ang pinagbabaril hanggang sa mapatay ng mga hindi kilalang lalaki habang ang mga biktima ay nagpapahinga sa loob ng kanilang bahay sa Barangay Agustin, Sablayan, Occidental Mindoro kahapon.

Ang mga biktimang binistay ng bala ng baril ay nakilalang sina: Siodor Ponseha, 35, brgy. chairman ng nabanggit na lugar at live-in partner na si Imelda Archangel. Sa detalye ng ulat, naitala ang pamamaslang dakong alas-3 ng hapon matapos na dumalo ang dalawa sa campaign rally ng kanilang sinusuportahang si Cong. Sato. Sinisilip naman ng pulisya kung may kaugnayan ang rebeldeng New People’s Army (NPA) o may bahid politika sa naganap na krimen. (Ulat ni Joy Cantos)