Pulis tinubo habang natutulog

CAMP CRAME – Isang kagawad ng pulisya ang pinagpapalo ng tubo sa ulo hanggang sa mapatay ng hindi kilalang lalaki na pinaniniwalang lango sa droga habang ang biktima ay natutulog sa sariling bahay na sakop ng Purok Santan,Barangay Taluya, Glan, Sarangani, ayon sa ulat kahapon. Idineklarang patay sa Glan Emergency Hospital ang biktimang nakatalaga sa himpilan ng pulis sa bayan ng Glan ay nakilalang si SPO3 Apolinar Dedace. Napag-alaman sa ulat na nakarating kahapon sa Camp Crame, natiyempuhan ang biktima na nag-iisa sa kanyang bahay at natutulog kaya pinasok ng hindi kilalang lalaki bago isinagawa ang pamamaslang. Hindi naman nabatid agad kung ano ang motibo ng krimen. (Ulat ni Joy Cantos)