Maglola tinupok ng apoy

CAMP CRAME – Nagmistulang uling ang katawan ng maglola matapos na masunog ang kanilang bahay sa Sitio Ulo, Barangay Pajo, Alimodian, Iloilo kamakalawa, ayon sa ulat kahapon. Halos hindi na makilala ang mga biktimang sina: Roseta Aloquin, 68, at Edwin Cecelio, 4-anyos. Nasugatan naman ang dalawang apo ni Roseta na sina: Felix Lagunday Jr., 10, at Reynalin Cecelio, isang taong gulang. Sa inisyal na imbestigasyon, ang apoy ay nagsimula sa kusina ng bahay ng matanda saka mabilis na kumalat sa buong kabahayan. May teorya ang pulisya, na mahimbing na natutulog ang mga biktima kaya hindi nakuhang makalabas ng bahay. (Ulat ni Joy Cantos)