Dean ng kolehiyo pinatay ng lover

SAN PABLO CITY – May posibilidad na matinding selos kaya sinaksak ng 35 ulit hanggang sa mapatay ang dean ng kolehiyo ng nursing ng kanyang lover na 15-anyos sa loob ng sariling kuwarto sa nasabing lungsod, ayon sa ulat ng pulisya.

Ang biktimang si Rodrigo Salazar na pinaniniwalaang bading at dean ng college of nursing sa STI Computer College ay natagpuang duguan na tadtad ng saksak ng patalim sa iba’t ibang bahagi ng katawan.

Kinilala naman ang pangunahing suspek na si Alvin Gavino na agad na tumakas matapos paslangin ang biktima.

Pansamantalang hindi ibinunyag ng pulisya ang pinagkukutaan ng suspek upang hindi mabalam ang follow-up operation.

Nanatiling blangko ang mga imbestigador sa motibo ng krimen subalit may teorya ang pulisya na matinding selos o kaya pinansiyal ang kasalukuyang sinisilip kaya inutas ang biktima.