Colonel todas sa road mishap

KAMPO SIMEON OLA – Isang police colonel ang iniulat na nasawi habang ang isa nitong tauhan ay malubhang nasugatan makaraang sumalpok ang sinasakyang ambulansya sa maliit na tindahang sakop ng Barangay 2, Em’s Barrio, Legaspi City kamakalawa.

Idineklarang patay sa AGO General Hospital ang biktimang si P/Supt. Julius Mario Robleza, hepe ng Regional Health Service ng PRO-5, samantalang ginagamot naman si PO2 Arnel Beltran. Naitala ang aksidente dakong alas-4:20 ng madaling-araw matapos na mawalan ng preno ang sinasakyang ambulansya kaya sumalpok sa naturang lugar na ikinasawi ni Robleza. (Ulat ni Ed Casulla)