45 biktima ng paputok

BULACAN – Aabot sa 45 sibilyan ang kumpirmadong naging biktima ng paputok sa iba’t ibang bayan sa Bulacan sa pagpasok ng Bagong Taon kamakalawa.

Kabilang sa mga bayang naitalang may naging biktima ng paputok ay ang Obando, Hagonoy, Malolos, Baliuag, Calumpit, Sta. Maria at Bulacan.

Ayon sa ulat, karamihang biktima ay lango sa alak. Kabilang sa mga biktima ay nakilalang sina Michael Dionisio na nawalan ng dalawang daliri, Luisito Dionisio, Cecilio Villafuerte at Jun Bulado. Naging biktima naman ng hit-and-run sina Rafael Alvania at Alberto Magnoy. (Ulat ni Efren Alcantara)