Kinilala ni Chief Inspector Eduardo Marquez ang mga biktimang sina Pendatun Palacad, 39, chairman ng Brgy. Rangaban at kapatid na si Sambutol, 60.
Ayon sa pulisya, sakay ng motorsiklo ang magkapatid na biktima mula sa Christmas party na ginanap sa kampo ng Army’s 38th Infantry Battalion.
Habang binabagtas ng magkapatid ang kahabaan ng nabanggit na highway ay biglang humarang ang mga armadong kalalakihang nakamaskara at kasabay nito ay umalingawngaw ang sunud-sunod na putok ng baril.
Dito na bumulagta ang mag-utol at nilapitan pa saka pinagbabaril sa iba’t ibang bahagi ng katawan para makasigurong patay na ang target.
May teorya ang pulisya na may kaugnayan sa politika ang naganap na pamamaslang dahil sa nalalapit na ang May 2004 elections. (Ulat ni John Unson)