Kinilala ang mga nasakote na sina Mando Mariacos, 36; itinuturong lider ng grupo; France Kiaso; Gerald Aleng-eng, 26; Allen Wasepen, 23; Alex Lingayen, 21; Ric Lambino, 25 at Zaldy Ligayo, 27 taong gulang.
Sa ulat, ang mga suspek ay nasakote lulan ng isang Toyota Hi-Ace van na may plakang URN 436 may ilang kilometro ang layo mula sa niloobang Credit Cooperative sa bayan ng Suyo ng nasabing lalawigan dakong 11:45 ng gabi. Puwersahan umanong pinasok ng mga suspek ang nasabing kooperatiba at pinukpok ng matigas na bagay sa ulo ang natutulog na guwardiyang si Bladimer Anaen na mabilis na isinugod sa pagamutan.
Nasukol ang mga suspek sa inilatag na dragnet operations ng mga awtoridad at nasamsam sa pag-iingat ng mga ito ang P512,195 cash, tseke na umaabot sa P198,453.50 at isang 12 gauge shotgun ng security guard na si Anaen. (Ulat ni Myds Supnad)