Tiyuhin kinatay ng pamangkin

CAMP SIMEON OLA, Legazpi City – Isang 45-anyos na lalaki ang iniulat na pinagtataga hanggang sa mapatay ng sariling pamangkin makaraang magwala ang biktima sa bahay ng huli sa Sitio Biton, Barangay Royroy, Butuan, Masbate kamakalawa ng gabi. Animo’y kinatay na hayop ang katawan ng biktimang si Isauro Llabres, magsasaka, samantala, ang suspek na naghihimas ng rehas na bakal ay nakilalang si Rodrigo Llabares, 34, may asawa, magsasaka ng nabanggit na barangay. Base sa ulat ng pulisya, naitala ang krimen bandang alas-9 ng gabi matapos magtalo ang dalawa. Napag-alamang nakipagtalo ang biktima sa suspek hanggang sa maganap ang pamamaslang. (Ulat ni Ed Casulla)