Bahay sinunog ng adik

CAMP CRAME – Pinaniniwalaang lango sa bawal na droga ang isang anak na lalaki ng dating alkalde kaya nagawang sunugin ang sariling bahay sa Margosatubig, Zamboanga del Sur, ayon sa ulat kahapon.

Kasalukuyang tinutugis ang suspek na si Rodrigo Lozada, anak ni dating mayor Vitaliano Lozada ng Margosatubig.

Napag-alaman sa ulat na nakarating kahapon sa Camp Crame, naitala ang pangyayari dakong alas-10:10 ng gabi nang buhusan ng gasolina ang buong kabahayan saka sinilaban.

Agad naman tinupok ng apoy ang milyong halaga ng bahay na matatagpuan sa Sitio Gabay, Poblacion ng naturang lugar pero walang iniulat na nasawi o nasugatan matapos na maapula ang sunog. (Ulat ni Joy Cantos)<