Di nasundo ng kapatid,sumama ang loob nagbigti

NAGA CITY – Dahil sa kabiguang sunduin ng kanyang utol na magtutungo sa Metro Manila mula sa naturang lungsod ay nagbigti ang isang 31-anyos na babae sa kanilang bahay sa Zone 3, Barangay Triangulo kahapon ng umaga.

Hindi na nakaligtas sa ikalawang pagpapakamatay ang biktimang si Francia Olaguer na natagpuan ng kanyang amang si Marcial na nakabitin sa kisame ng kuwarto bandang alas-10 ng umaga.

Napag-alaman sa ulat ng pulisya na ang biktima ay pinangakuan ng kanyang utol na susunduin para ihanap ng trabaho sa Maynila pero hindi sumipot ng ilang araw.

Bago pa magbigti ang biktima ay nakakita na ito ng pagkabalisa sa loob ng kanilang bahay at pinalagay na nag-suicide sa pagitan ng alas-4 hanggang alas-5 ng umaga. (Ulat ni Ed Casulla)