Taga-sabotahe ng Abu timbog

CAMP AGUINALDO – Nalambat ng mga operatiba ng 104th Brigade ng Phil. Army ang itinuturing na pangunahing taga-sabotahe ng bandidong Abu Sayyaf sa bayan ng Indanan, Sulu kamakalawa, ayon sa ulat ng militar.

Kinilala ng militar ang nasakoteng Sayyaf na si Arcen Balitong Jandul, alyas Jafaar, tumatayong video operator at cameraman ni ASG chieftain Khadaffy Janjalani.

Ayon sa ulat, si Jandul ay pamangkin ni Khair Muktar, kasapi rin ng Sayyaf na nasakote ng militar sa Marawi City noong Setyembre 2002.

Kasalukuyang isinasailalim sa tactical interrogation si Jandul ng militar sa Army’s 104th Brigade sa Camp Bautista, Busbus, Jolo, Sulu. (Ulat ni Joy Cantos)