Kinilala ang biktima na si Abdul Hifa Edris, samantala, isa sa mga kidnaper na nakilalang si Jemar Alawi ay agad namang nadakip sa isinagawang follow-up operation.
Base sa ulat na nakarating kahapon sa Camp Crame, naitala ang krimen dakong alas-9 ng umaga habang ang biktima kasama ang anak nito ay naglalakbay patungong Isabela City mula sa Barangay Shipyard, Maluso, Basilan.
Hinarang ng mga kidnaper ang sasakyan ng mag-ama at agad na tinutukan ng baril at kinaladkad sa hindi nabatid na lugar.
Mabilis namang nagresponde ang mga awtoridad matapos na maipagbigay-alam ang pangyayari na nagresulta sa pagkakadakip kay Alawi na positibong kinilala ng anak ng biktima. (Ulat ni Joy Cantos)