Abu lider patay sa militar

ZAMBOANGA CITY – Muli na naman nakapuntos ang tropa ng militar makaraang mapatay nila ang isang sub-commander ng Abu Sayyaf sa naganap na encounter sa kagubatang sakop ng Barangay Tinggol, Maluso, Basilan, ayon sa ulat kahapon.

Ayon kay Col. Bonifacio Ramos, kumander ng 103rd Army Brigade, nakasagupa ng tropa ng 18th Infantry Battalion ng AFP ang grupo ni Hamsiraji Sali, alyas Commander Jose Ramirez noong Sabado ng gabi.

Kinilala ni Ramos ang napatay na lider ng Sayyaf na si Tuan Hamid, samantala, patuloy na tinutugis ng militar ang nalalabi pang lider ng Abu Sayyaf na nagtatago sa kagubatan ng Basilan.

Kabilang sa natitirang lider ng Sayyaf ay nakilalang sina Khadaffi Janjalani, Abu Solaiman at Isnilon Hapilon na nagtatago naman sa Sulu. (Ulat ni Roel Pareño)